Quando, un tarde, le guru se sedeva pro le practicas del culto, le gatto del ashram sempre vagava in le vicinitate, distrahente le fideles. Assi, le guru ordinava que on ligava le gatto durante le culto vespertin.
Multe tempore post le morte del guru, on continuava a ligar le gatto durante le mentionate rito. E quando le gatto moriva, on introduceva un altere gatto in le ashram pro ligar lo durante le culto del vespere.
Seculos plus tarde, le discipulos del guru scribeva tractatos erudite super le importante rolo del gatto in le correcte realisation del culto.
Anthony de Mello (Le Canto del Ave)
