Como es supra es infra
Post innumerabile mesurationes, calculationes avantiate e facer laborar decenas de supercomputatores, le astrophysicos e investigadores del spatio ha traciate un mappa detaliate que nos monstra le forma possibile de nostre Galaxia con grande precision. Le imagine que monstra iste vision general es un labor conjuncte inter le datos fornite per le supercomputatores e le mano talentose de artistas graphic. Naturalmente, illo es un montage que tenta esser le plus fidel possibile al information de campo. Illo tenta dar nos un imagine cartographic general de nostre Galaxia. Ecce le imagine in alte resolution:
Le imagine aporta multe information. Nos pote observar in illo un lenticula central que concentra le plus alte densitate de stellas de nostre galaxia. Tanto grande es le densitate de illas que, si le Terra essera situate in orbita circa un Sol del centro del galaxia, le noctes non esserea obscur absolutemente, illuminate per le myriades de stellas que brillarea tanto como le Luna plen. Circum iste lenticula central existe un bracio involvente, que la circumda.
Del lenticula central exe quatro bracios spiral, duo de illos plus spisse con abundante numero de stellas e materia, e le altere duo, como subalternos, con un minor densitate de astros. On pote dicer que nostre galaxia ha quatro bracios. Le duo bracios major se denomina Perseo e Centauro, le altere duo Norma e Sagittario.
Nostre systema solar se situa al exterior del bracio de Sagittario, e es includite in un bracio anormal que nasce del bracio de Sagittario. Iste anomalia se denomina bracio de Orion e se extende desde le nascentia del bracio de Sagittario usque al bracio de Perseo e, transpassa iste uniendose al zona plus recundite e exterior del bracio de Norma.
Nostre systema es intra iste anomalia, ben que proxime anque al bracio de Sagittario. Le investigadores pensa que iste bracio non es plus que un ramification del bracio de Sagittario, e non le da major importantia.
A me, in cambio, iste anomalia me attraheva le attention. Quando observava lo con plus attention, me pareva vider le oculo de Horus. Como es possibile? Es solmente producto de mi imagination, como occurre quando tu mira le nubes e vide in illas formas que simila animales, personas o objectos. Nonobstante e como curiositate, io tentara monstrar al lector iste similitudine con le mesme imagine, sed ponente in evidentia le vision:
Io ha dovite facer un recorte in le bracio de Centauro pro que se adapta al cauda inferior que surge del Udjat, le cognoscite representation egyptie del Oculo de Horus. Sed in general illo se adapta bastante ben a iste altere imagine:
Io insiste, non es un imagine exactemente equal, sed illo ha nexos visual e isto es alique que attrahe le attention. Pensar que le centro del galaxia es un oculo es portar le imagination a un altere nivello. Dicamos que nos entra in le regno del fantasia. Sed mi curiositate va plus ultra e io cerca imagines del centro de nostre galaxia. Totes que io pote trovar essera figurationes pingite, io sape. Simplemente, lo que es in le centro del Galaxia non pote esser vidite quia es coperte per dense nubes de gases opac que impedira que nos lo vide. Tamen, nos pote usar altere medios sophisticate pro observar lo que se cocina al interior del galaxia. Pro isto on observa in altere frequentias, como le banda infrarubie, de radio e de radios X. On usa le telescopios Hubble (capace de «vider» le infrarubie), le Spitzer e Chandra (iste ultime capace de vider in radios X). Lo que se sape del nucleo galactic es que il ha un foramine nigre hypermassive que illes ha denominate Sagittario A (Sgr A*). On calcula que su massa es de un billion de soles. Circum illo se agglomera milliardos de stellas in un parve spatio. Le densitate es tanto alte que es commun trovar stellas separate inter se per 5 dies/lumine, i.e., per distantias de 130 milliardos de km. Isto, a scala cosmic, es un distantia si parve que si le Terra esserea orbitante un de iste stellas, literalmente non haberea nocte, quia le stellas proxime brillarea como le Luna, e le plus distante plenarea le obscuritate del firmamento. Il pare un scenario meraviliose, sed non lo es absolutemente. Le energia e radiationes cosmic es tanto potente in iste nucleo galactic que le vita, como nos lo cognosce, non esserea possibile. Io parla del vita como nos lo recipe, sed il es possibile que illo se manifesta in altere formas capace de exister in un ambiente hyperenergetic.
Io ha cercate imagines effectuate per importante centros de recerca e ha trovate un que ha essite elaborate a partir del information fornite per le Radiotelescopio Green Bank, situate in Virginia Occidental, Statos Unite. Frutto de iste observationes e de alteres effectuate per grande centros de recerca, on elaborava un imagine. Il es un illustration que monstra le centro galactic. Le imagine es multo revelatori e refuta de novo le idea del Oculo de Horus. Per se mesme, illo monstra un grande nube de gases que se agglomera circum un nucleo. Su forma simila un grande oculo in cuje centro se cela un foramine nigre. Anque nos pote vider in illo como duo manos que se junge, un altere symbolo non exempte de signification. Iste «oculo» supporta le hypothese del Oculo de Horus. Pote esser que le Oculo de Horus es un specie de mappa stellar?
© NSF/AUI/NSF NRAO/P. Vosteen.
In le Oculo de Horus il ha un parve appendice justo in le barra vertical que descende del oculo. Iste barra representa le bracio de Orion, que es un anomalia intra le geometria del galaxia. Iste parve curvatura pare indicar le position de nostre Systema Solar. Pro pervenir a iste conclusion, nos ha observate le dimension de iste parve appendice e su position in le longitude total del barra vertical del Oculo de Horus. Naturalmente, toto es multo relative e non tote le imagines del Oculo de Horus possede iste appendice o curvatura. Illes que lo ha, lo situa inter un quarto e le medietate del origine. Nos ha prendite le bracio de Orion desde su nascentia in le bracio de Sagittario e ha situate iste puncto a circa un tertio, e justo proxime a illo es nostre Sol. Un tertio es le procentage medie.
Le parve appendice es, in realitate, un stilisation del macula in le plumage del oculo de un falcon peregrine. Le egyptios representava Horus con le testa de un falcon:
In iste imagine nos pote vider qual es le origine de iste appendice. Del parte superior del oculo, le macula se extende usque a agglomerar se. In nostre mappa galactic, illo non ha, apparentemente, concordanza, ni con le bracios ni con le direction de istes.
Como poteva originar se le bracio de Orion?