Il pare que le textos antique hindu esseva sinistremente exacte in lor prophetias super le advento del terti-mundismo. Le capitulo 40 del Linga Purana lo monstra:
Es le instinctos plus basse que stimula le homines del Kali Yuga. Illes preferentemente elige ideas false… Le desiderio los tormenta. Le negligentia, le maladia, le fame, le timor se diffunde… Le numero de principes e de agricultores diminuera gradualmente… Le major parte del nove chefes es de origine sudra… Le ladrones devenira reges, le reges devenira ladrones… Le homines de bien renunciara a haber un rolo active… Le mercantes facera operationes dishoneste… Il habera multe mendicantes e disoccupatos… On non potera confider in nemo… Multe ladrones essera. Le violationes essera frequente. Multe individuos essera perfide, lubric, vile e temerari… Multe infantes nascera cuje sperantia de vita non superara dece-sex annos… Le ladrones robara le ladrones… Le maladias, le rattos e le substantias nocive los tormentara… Le vagabundos essera numerose in tote le paises.
Le Vishnu Purana non remaneva retro:
Le homines non volera nisi ganiar moneta, le plus ric essera los que detene le poter… Le personas sin recursos essera lor sclavos… Le agricultores abandonara lor labor de cultura e recolta pro devenir karu-karma (“obreros non specialisate”) e prendera le conducta del foras-de-casta (intocables). Multes se vestira de pannos rupte, essera sin labor, dormira sur le terra, vivente como miserabiles. Pro le manco de poteres public, multe infantes morira… Multes se suicidara. Suffrente de fame e miseria, triste e desperat, multes emigrara verso le paises ubi cresce le frumento e le segale… In le Kali Yuga le homines non habera virtutes, ni puritate, ni pudor, e cognoscera grande disgratias.
Le inundationes e le fame, le guerra e le crimine, le deception e le duplicitate characterisa iste epocha. Ma, dice le scripturas, es solmente in iste era de problemas critic que le emancipation final es possibile. Kali Yuga ha duo fases: in le prime phase, le humanos, post haber perdite le cognoscentia del duo esseres superior, possedeva le cognoscentia del “corpore de respiration” separate del io physic. Ora, durante le secunde phase, tamen, mesmo iste cognoscentia ha abandonate le humanitate, lassante nos solmente con le conscientia del corpore physic grosse. Isto explica proque le humanitate ora es plus preoccupate per le io physic que per omne altere aspecto del existentia.
A causa de nostre preoccupation pro nostre corpos physic e nostre esseres inferior, e a causa de nostre emphase in le recerca del materialismo grosse, iste era ha essite nominate le Era del Tenebras, un era in le qual nos ha perdite le contacto con nostre io interior, un era de profunde ignorantia.
Extractate de differente fontes documental