«Il ya ha multe tempore que io habeva le idea de scriber iste libro. In un belle vespera de estate, io exponeva mi projecto a un erudito tibetano qui viveva un vita contemplative in un parve casa fixate al latere roccose de un montania. Ille a pena me incoragiava.
«‘Labor perdite,’ ille diceva. ‘Le massa de lectores e auditores es identic in tote le mundo. Io non ha le minus dubita que le gente de vostre pais se similava a illes que io incontrava in China e in India, e illes non differe in nihil del tibetanos. Si on les parla de veritates profunde, illes oscita, e si illes osa, illes te lassa sol, ma si on les conta fabulas absurde, illes es pur oculos e aures. Illes vole que le doctrinas religiose, philosophic e social que on les predica sia agradabile, que concorda con lor conceptos, que satisface lor inclinationes; in summa, illes desira retrovar se in illos e sentir se approbate per illos.’Le maestro non me diceva nihil nove super iste puncto. Centenas de vices io habeva audite in Occidente homines e feminas exprimer le desiro de trovar un religion que les satisfaceva, o io les habeva vidite rejectar un doctrina con iste parolas: ‘Illo non me satisface’…»
ALEXANDRA DAVID-NEEL – Le doctrinas secrete del Budistas tibetan.
Alexandra David-Neel esseva un femina tenace e aventurero qui passava multe decadas in Tibet, profundisante in le sapientia e costumes de un del locos le plus isolate e inhospite del mundo.