Annos passate io voleva publicar tote le information e cognoscentia que io ha accumulate. Il se tracta de un cognoscentia acquirite primo per medios intellectual e postea per experientias transcendental. In alcun casos il esseva epiphanias que me transportava al plus exaltate. In altere casos, immense supercargas de cognoscentia condensate in un breve momento. Algo simile a scintillas plen de information.
Scientia Arcana es un compendio de information esoteric e hermetic que comenciava in 1979 in le Confraternitate del Foco Sacrate e continuava postea, sin quasi interruption usque ora. Io adde inoltre altere scriptos concernente themas historic, archeologic, scientific, philosophic, technologic, medicina natural, reflectiones social e economic, e linguistic, super le quales io ha laborate o ha essite particularmente interessate.
E io scribe isto in interlingua. Io sape que isto es un raritate – qui parla e lege interlingua? Forsan mille o dece mille personas. Qui lo sape con exactitude? Totevia, interlingua es un lingua que pote esser comprendite per un milliardo de personas si illes lo tenta. Proba a leger isto: si tu parla un lingua latin como espaniol, portugese, italiano o frances, tu certemente comprendera le major parte de iste texto. Id es, un milliardo de personas potera leger iste texto comprendente perfectemente le 70-80% de su contento. A me placerea le facto que io pote facer me comprender per tante gente con si pauc effortio. Interlingua merita que on le da un chance, e io face mi parte.