Ante de comenciar a interpretar le signos in scriptura iberic inscrite in le mano de bronzo de Irulegi, es necessari explicar, mesmo brevemente, le loco ubi iste discoperta de vital importantia in le historia de nostre passato esseva trovate. Le pecia esseva discoperte presso del castello de Irulegi, situate super le petra de Laquidáin in le valle de Aranguren in Navarra. Le petra de Laquidáin se eleva a quasi 900 metros de altitude super le nivello del mar, e in su area superior se extende un planada ideal pro situar alcun constructiones. Le castello de Irulegi se erige in le parte plus alte de iste parve altiplano. Ab iste fortaleza, on domina le conca de Pamplona, dunque illo esseva un loco ideal pro le vigilantia precoce contra possibile menacias al citate de Iruña e Noáin. Su existentia es documentate al minus usque al seculo XII, ben que su antiquitate pote retrotraher se al minus un o duo seculos plus retro. Le castello ha essite reformate in varie occasiones durante le seculos e etiam suffreva un demolition al fin del seculo XV.
Sigue leyendo Le mano de bronzo de Irulegi